पोखरा, मङ्सिर १४ गते । पोखरा-३३, आँपुभन्ज्याङस्थित कालिका माविमा शुक्रवार अन्तरविद्यालय हाजिरीजवाफ प्रतियोगिता सम्पन्न भएको छ ।
नेपाल युवा रेडक्रस सर्कल, भरतपोखरीको आयोजनामा भएको प्रतियोगितामा
मर्निङग्लोरी एकेडेमिक स्कुल पहिलो भएको छ । त्यसै गरी कालिका मावि दोस्रो,
सरस्वतीटीका मावि तेस्रो र बागमारा एकेडेमिक गार्डेन चौथो भएका छन् । प्रतियोगितामा
पोखरा महानगरपालिकाको वडा नम्बर ३३ भित्रका ८ विद्यालयको सहभागिता रहेको थियो ।
सर्कलका अध्यक्ष बेलबहादुर केसीको अध्यक्षतामा भएको
कार्यक्रममा विजेताहरूलाई वडा नम्बर ३३ का वडा सदस्य विनोद भण्डारी र वडा शिक्षा
समितिका सदस्य शिव तिवारीले पुरस्कार वितरण गरेका थिए । कार्यक्रमको सञ्चालन सचिव
सुषमा थापाले गरेकी थिइन् ।
No comments:
Post a Comment